लाभले आम्हास  भाग्य  बोलतो मराठी .. हाच  कौतुकाचा  सोहळा आज झील एज्युकेशन सोसायटीच्या सिल्व्हर क्रेस्ट स्कूल  मधे साजरा झाला . कुसुमाग्रजांचे स्मरण करुन प्राचार्या सौ. अनुजा येरुडकर मॅडम यांच्या हस्ते सरस्वती  आणि ग्रंथपुजन केले . विद्यार्थ्यांनी महाराष्ट्र  गीत आणि मराठी गीत गाऊन मराठी भाषेप्रती कृतज्ञता   व्यक्त केली. भाषा फाउंडेशन तर्फे घेतली जाणारी मराठी भाषा ऑलिम्पियाड परीक्षा शाळेत  घेण्यात आली होती . त्यात 123 विद्यार्थ्यांनी घवघवीत यश संपादन  केले .त्यांना  प्रशस्तीपत्रक  देऊन प्राचार्या अनुजा मॅडम यांनी मुलांचे कौतुक  केले . जरी इंग्रजी  माध्यमातून  शिक्षण  घेत असलो तरीही मराठी भाषेचा अभिमान  बाळगून  तिचे रितसर शास्त्रशुद्ध  शिक्षण  घेऊ अशी शपथ मुलांनी घेतली . शाळेचे संस्थापक माननीय काटकर सर सचिव जयेश काटकर सर तसेच सल्लागार श्री. खांडवे सर यांनी सर्वाना मराठी दिनाच्या शुभेच्छा दिल्या . शाळेच्या मुख्याध्यापिका सौ. अनुजा येरुडकर मॅडम  यांच्या मार्गदर्शनामुळेच हा कार्यक्रम उत्तम पार पडला .